АСНЫРӦН

Копрасьлі кӧ коркӧ — сӧмын Енлы,
Пармалы да чужан мулы-валы.
Сьӧкыдлунсӧ мыйта кӧть эг венлы,
Кыдзи кӧть эз чизыр вой тӧв малав.

Уна ковмис вуджны нюр и керӧс,
Овліс, кевлі голяӧдзым няйтӧд,
Но век ас ног ставсӧ зіли-кери,
Йӧзлӧн вомас видзӧдны эг чайт и.

Нӧйтлісны и дорлывлісны кияс,
Кӧсйисны, мед гӧрбыльтчӧмӧн олі,
Нюлі медым увтыртысьсӧ, сійӧс,
Да мед весиг видзӧдлассьыс полі.

А ме воча: эн вай чиршась, энлы,
Кусыньтны тэн некор оз сюр бала.
Копрасьлі кӧ коркӧ — сӧмын Енлы,
Пармалы да чужан мулы-валы.