ВОДЗЛАНЬ

Синмӧй пемдіс да нинӧм ог аддзы,
Но век водзланьӧ нырчча на тадзи.
Шаня кокъясӧн малала мусӧ,
Эг ӧд чайтлы, мый лунъюгыд кусӧ.

Коркӧ любуйтчи вӧр-валӧн мичӧн
И быд серпас збой сьӧлӧмын видзи.
Ӧні кималас отсӧгӧн муна,
И, дерт, конъяся, нинӧм нин шуны.

Но ӧд тӧдчӧ на син водзын битор,
Коді мувывса мичыскӧд йитӧ.
Буретш сылӧн и югӧрыс улын
Кысся лачаӧн, ог на тай сулав.

Эска: кытчӧ ме мӧдӧдчи — воа,
Эн на шуӧй, мый коньӧрӧн ола.
Чусмӧм син водзын битор кӧ эм на,
Сідзкӧ, верма на мыйкӧ ас нэмнам.