ГУСЯТОР

Велӧдчыны мунӧ Ваньӧ,
Мышкас сьӧкыд-сьӧкыд ранец.
Нопйыс выль на и зэв мича,
Мый нӧ Ваньӧ сэні видзӧ?

Но оз некод тӧдмав тайӧс,
Зонлӧн нопйыс иган сайын.
Томан ӧшӧдӧма Ваньӧ,
Медым некод оз восьт ранец.

Гусяторсӧ весиг мамыс
Некыдз эрдӧдны эз сяммы.
Ӧд дневникас векджык батыс
Кырымавліс лыдтӧм «5»-яс.

Но со кыдзкӧ ӧти лунӧ
Ваньлӧн томан гортӧ вуні.
Сумка другысь воссис классын,
И со ставыс лои ясыд.
Мый жӧ сэні вӧлӧма?
Вит килоа дас кык «два»!