ВОДЗӦСӦН

Зептын кӧть и
Кампет ӧти,
Ёрткӧд юксьытӧг ог ов.
Чойлы сета, воклы сета,
Меным унаыс оз ков.

Мамлы чӧсмасьыштны коля,
Батьлы вичмӧдышта тор,
Баблы юка, дедлы юка,
Вежаньлы — бур сьӧлӧмсор.

Тузиклы на нювсьӧм вылӧ —
Аддза: дулльыс петӧ сылӧн.
Да и Муркалы на тшӧтш,
Медым юммӧдас вомкӧтш.

Абу жаль мен шоколадыд,
Ставныд номсасьӧй бурпӧт.
Ме ӧд тӧда инӧн-ладӧн:
Аски водзӧс пыдди татӧн
Лоӧ кампет кило-мӧд.