ЧЕРИ КЕРЫСЬ

Батьӧ бара вайис чери:
Ёкыш, кельчи, сир да мык.
Лунтыр сійӧс мырси-кери,
Ӧні, майбыр, оз нин тшык.

Черитӧ ме керны кужа,
Сӧмын кыйнысӧ ог куж,
Ю вылысь век локта кушӧн,
Бӧрд кӧть серав — мудз да руш.

Батьлы мыйлакӧ тай шедӧ
Ёкыш, кельчи, мык и сир.
Гашкӧ, сы вӧсна, мый метӧг
Ӧтнас видлалӧ быд йир.

— Тэысь чериыс тшук полӧ, —
Шуӧ нюмъялӧмӧн бать.
— Кыйсьынытӧ мунтӧдз колӧ
Кисьыд мыськыны сьӧм-гадь.