* * *

Сӧдз заравасӧ туисӧ ме вийӧді,
Эг дойдав кыдзсӧ, ӧти ув и чегышті.
А босьті джынйӧдз тырӧм дозсӧ киӧ да,
Мен кыддзыс быттьӧ кӧритӧмӧн векыштчис:

— Тэн, мортӧй, оз нин тырмы ӧмӧй юаныс?
Мун ассьыд гӧлкйы суртӧ, ырӧш-винатӧ.
Мый дзоньвидзалун корсьны локтін, шуан-ӧ,
Ӧд пакӧститчан сӧмын вӧрыс дінын тэ?

Став парма-ягсӧ важӧн бертін-гугӧдін,
Тэн кубыс-рубыс, вӧлӧм, ёнджык колана.
Кор увйӧс чегин, менсьым олӧм жугӧдін.
А аслад торксяс мый, он пов ли полан-ӧ?