* * *

Дзодзӧг-юсьясыс бокиті лэбисны,
Важ моз пӧткасьыс вадйыс эз гыав.
Гашкӧ, тырмидз эз ло налӧн эбӧсныс,
Гашкӧ, повзьӧдіс пищальяс шыыс.

Воис тулыс, да чайті, мый лӧньӧда
Помся эскысь, но мудзӧм нин лолӧс.
Кӧджті-ластаті лачаӧй гӧнитіс,
Суніс Эжваӧ, тадз пӧ и тэд колӧ.

Дзодзӧг-юсьяс ас вадъяс эз пуксьыны,
Тадз жӧ лачаӧй ме дорысь муніс.
Кодкӧд тувсовъя шоглуннас юксьыны
Татшӧм мича, но нормӧдысь лунӧ?