* * *

Муна татысь, да кодкӧ кӧ казьтыштас,
Мед жӧ бурсӧ, мый вӧчи, оз вунӧд.
Мед жӧ син дорыс этшаник вазьыштас,
Со пӧ кутны эг вермӧй, да муніс.

Вӧлі олӧм чӧж паныда вой тӧлыс,
Некор ньылыдсӧ мунны эз мойви.
Мыйла эськӧ и вир-яйӧс дойдалі,
Мыйла весьшӧрӧ песлалі сой вын?

Нинӧм быттьӧ эз шед меным олӧмас,
Но век йӧзыскӧд нянь-совтӧ юки.
Муніг лоас кӧ кодлӧнкӧ волӧмыс,
Мед жӧ бурыс оз вун тайӧ здукӧ.