МУДЗ

— Ог нин мынлы тэысь ловъя юрӧн, —
Ропкис пӧчӧ юысь дедыс вылӧ, —
Мыйтакӧ и шогыс-дойыс сюри,
Ветымын во буалӧмтӧ кылі.

Кор нин тэнӧ дзикӧдз морыс лыяс, —
Кайтіс пӧчӧ пач вом дорас ноксиг.
Дедыс пӧжис паччӧр вылын лыяс,
Висис кӧть, но водзӧссӧ эз лёксьы.

Винатӧ, дерт, мойвиліс жӧ юны,
Но ӧд ӧнӧдз эз жӧ сӧмын кодав.
Уджыс сылы сьӧкыд вичмис, уна,
Мукӧд мозыс кадсӧ весь эз лот и.

Кывзіс пӧльӧ бабӧыслысь мургӧм,
Ышловзис да вазьӧм синъяс кунис.
Здук-мӧд кымын гатшӧн лӧня сургис,
Да и... орис олӧмыслӧн сунис.

— Пӧрысь выжыв, идрасьны ме пета,
Чеччы, чеччы, тувсов луныс дона.
Зырасянӧс бӧръяысь да сета,
Юртӧ веськӧд, потшсьышт сэсся тонӧ.

Кильчӧ содтӧ помавны жӧ колӧ,
Пестӧ йӧз син водзысь, потшӧс боксьыд...
Чӧла оліс дедлӧн мудзӧм лолыс,
Кыдзи пыр —
			эз пыксьы, ни эз лёксьы...