ВИЧКО ДОРЫН

Пернапасасьны ог куж,
Но кор таті ӧткӧн муна,
Сьӧлӧм нор, а ачым руш,
Долыдлунӧй вошӧ-вунӧ.
Вӧлі... Кутшӧм гажтӧм кыв.
Вӧлі — сідзкӧ, нинӧм абу?
Но ӧд вӧвлӧмтор оз сыв,
Некод паметьтӧ оз грабит.

Анархист кӧть коммунист,
Демократ, кӧть сэсся лешак,
Пӧльӧн пуктӧм-тэчӧм из
Оз, оз бертовт, кыдз кӧть лешас.
Еджыд вылӧ лякны няйт,
Гӧрд кирпичьяс пусь-паськерны
Тырмас вын и тырмас сайд,
Паметь — вины он нин вермы!