ВОЛІ ТОМ КАДӦ

Сьӧлаоз кӧра вом доръяс окалі
Да сьӧд сэтӧр кодь синъясӧ видзӧді.
Тэкӧд, колипкай, коркӧ кӧ шогалі,
Сьӧлӧм дойӧс пыр тэкӧд жӧ личӧді.

Асъя кыа моз эскӧдысь-туйдысьӧй,
Рытъя шонді моз лелькуйтысь-шонтысьӧй.
Овны мичаа, кыпыда чуйдысьӧй,
Тэнад авъялун кытчӧ нӧ кондысис?

Зарни горадзуль козьнавлі сывтырйӧн —
Вирыд пуӧ кӧ, аддзан, дерт, помкатӧ.
Сӧмын вӧлі тай тадз тэнад ныв дырйи,
Сӧмын вӧлі тай тадз менам том кадӧ.

Чизыр пуж менсьым едждӧдіс юрсиӧс,
Тэнад чужӧмын тыр синва шор визьыс,
Кодыр янсӧдчим, уна и бур сии,
Абу сюрӧма коньӧрӧс дорйысьыс.

Асъя кыа моз эскӧдысь-туйдысьӧй,
Рытъя шонді моз лелькуйтысь-шонтысьӧй.
Овны мичаа, кыпыда чуйдысьӧй,
Тэнад авъялун кытчӧ нӧ кондысис?