ОГ ГӦГӦРВОСикт шӧрын бара киссис вир — Посёлоксаяс волісны. И вӧлі бӧрын, код эз тір, А водзын, кодъяс полісны. Оз смеллун ков, мед панны вен, Жлеч кывнад ӧдйӧ ыззьӧдӧ, Здук мысти улич ӧвтчӧ сэн Пӧсь пувъя ваӧн мыссьӧ да. Клуб дорысь потшӧсыс — крутш-кратш, Сё палич вылӧ чегъясьӧ... Со кодкӧ пыр на куйлӧ гатш, Со кодкӧ няйтын веглясьӧ. Тадз эз нин ӧтчыд пансьыв тыш, Кӧть эськӧ мыйысь гыжъясьны? То сиктса петкӧдласны мыш, То мукӧдъясыс пышъясны. Ме ачым эг жӧ ӧти лӧз И новлӧдлы, и пуктавлы. И вӧлі ним, и вӧлі грӧз, Кӧть пиньӧй аслам чуктавліс. Но коли тасянь кымын во, А лӧньыс важ ног дзугсьӧ на. Ме, верстьӧ морт, ог гӧгӧрво, Мый морнас зонъяс юксьӧны?
