КӦКА ВОЙЫН

Тӧлысь пыжын лӧня кывтӧ вой,
Парма чуркйын кыа ӧгыр сылӧ.
Шытӧ, гудӧк, гораджыка кой,
Мӧдлапӧлын йӧлӧга мед кылӧ.

Сяркнит кинад, вильыш кинад
Варов гудӧкыдлысь кизь,
Медым кывзас чужаніныд
Ыджыд муслун йылысь висьт.

Важ моз босьтлы лывкйӧдлана лад,
Коді мелі биӧн сьӧлӧм ӧзтӧ.
Кӧка войыс радейтчӧмлӧн кад,
Кыскӧ сьывны асылӧдз том йӧзтӧ.

Майбыр кадыс ӧтчыд волӧ дзик,
Сідзкӧ, вай жӧ пӧттӧдз радлам-сьылам.
Мыла горӧн тырас унзіль сикт.
Мӧдлапӧлын йӧлӧгаыс кылас.