ВЫНА Ю

Со тай Эжваыд...
Быттьӧ вис
Сёльгӧ лайкыда, оз и тэрмась.
Тані зонпосни мича из
Мӧдлапӧлӧдзыс лыйны вермас.

Регыд, ытваыс усяс кор,
Юыс нӧшта на ичӧт лоӧ.
Мый и шензьыны: кывтӧ шор.
Мед нӧ кывтӧ да сёльгӧ...

Но ӧд —
Ӧтчыд кӧмкоттӧ пӧрччыв вай,
Кевлы коськӧдыс, из под вылӧд,
Видлы, ю паныд тадзи кай,
Да мед воськов джын бӧр эз кылӧд.

Он ӧд вермы! Эм гуся вын
Тайӧ ваыслӧн, мый кӧть шуан.
Коркӧ помӧдзыс кывтлы-сын,
Аддзан: юсяньыс саридз туӧ!