ВИЗУВ ПАНЫД

Визув олӧмлӧн зуркыд-скӧр коськӧд
Талун катны эз тырмышт на вын.
Но ме эска: ме лёкинсӧ босьта,
Эг ӧд бӧр косны татчӧдзыс сын.
Вына вабергач бергӧдӧ пыжӧс,
Кыскӧ лӧп пиӧ, сувтла кӧ здук.
Кыдз нӧ жеблунысь асьтӧ он мыжав,
Кыдз нӧ юыслы лӧгтӧ он юк.
Коськлӧн бузгӧм пыр гӧлӧсъяс кыла:
Ёртъяс водзынӧсь кык-куим кӧдж,
Сьӧлӧм ёнтӧ, мый наысь ме ылын,
Мый ог вермы ме накӧдыс тшӧтш.