КОМИ МУ

Вай волы татчӧ, волы татчӧ,
Кор сӧмын мойвиас прӧст кад,
Тэ татысь сэтшӧм мичлун аддзан,
Мый сьӧлӧм тэнад лоас рад.

Вай сулышт тані, сулышт тані
Да менсьым долыдлунӧс юк,
Тан тӧвру ӧвтӧ чужӧмбанад,
Тан шудтӧ некоді оз дзуг.

Вай гӧгӧр видзӧд, гӧгӧр видзӧд,
Ӧд ставыс тайӧ — Коми му,
И тайӧ вӧрыс, тайӧ виддзыс
И видзсӧ вундысь Эжва ю.

Вай волы татчӧ, волы татчӧ
Да олышт мекӧд, ныв ли зон.
Ӧд чужанінсьыд сійӧс аддзан,
Мый сэсся некытысь нин он.