ВОДЗЛАНЬ

Кытчӧ нӧ, керъясӧй, ю кузьта
				кывтанныд,
Визувлы сетчӧмныд, панласьны
				зілянныд пыр.
Мотора пыжъяс да катеръяс ветлӧны
				вывтіныд,
Сӧмын тай водзланьӧ нырччӧмныд тіян
				оз быр.

Вабергач бергӧдлӧ, гыясыс венсӧ
				тшӧтш панӧны,
Крукыштны видзӧдӧ юшӧрса ичӧтик
				ді.
Сӧмын тай на водзын некыдз он кӧсйӧй
				ті янавны:
Водзӧ и водзӧ здук сувтлытӧг
				кывтанныд ті.

Сідз жӧ и ме: кӧть и унатор сконъялӧ
				олӧмас,
Ог на и думыштлы корсьлыны
				шоныдджык жыр,
Кытчӧкӧ вошӧма кодыськӧ-мыйыськӧ
				полӧмӧй.
Олӧмлӧн визулӧд водзланьӧ зіля ме
				пыр.