* * *

Гажа гожӧмӧй, кытчӧ тэ мӧдін?
Кытчӧ пышъян тэ бара тыр ӧдӧн?
Сулышт, кора, вай сулышт кӧть лун,
Гажа гожӧмӧй, кольччыв, эн мун.
	Дзодзӧг-юсьясӧй, кодарлань тӧвзяд?
	Эн вай тэрмасьӧй, пуксьыштлӧй, ӧвсьӧй.
	Абу дона мӧй ас чужан вӧр?
	Дзодзӧг-юсьясӧй, бергӧдчӧй бӧр.
Муса ныланӧй, мунан тэ кытчӧ?
Вай кӧть китӧ мен бӧръяысь мыччыв,
Аддзан, кутшӧм ме нор, кутшӧм шог,
Муса ныланӧй, регыд бӧр лок!