ВАНЬӦ ДА ОШВаньлы паныд петіс ош Гортлань вӧр туй кузя. Зонкаыд эз шӧйӧвош, Водіс, быттьӧ узьӧ. Аддзис морттӧ кодзувкот: Мыйся тайӧ дивӧ? Курччалышта сійӧс вот! Но эз чеччы Ивӧ. Пеляс дыр зэв дзужгис гут: — Код нӧ эськӧ татӧн? Но Вань вӧтлыны эз кут, Микайлӧ ӧд матын! Кӧчиль гильӧдыштіс ныр Табъя кокнас сэсся, Тасма-вӧньсӧ йирис шыр — Вань эз вӧрзьы весиг. Лэбис мазі корсьны ма, Тайкӧ сайдыс бырис: — Код нӧ татчӧ усьӧма? Сатшкыла час нырӧс! Но и сэк эз чеччы зон, Кодыр локтіс йӧра, Думсьыс кайтіс: тӧдан он, Ош ӧд сэні, вӧрас! Дыр на эськӧ сиктас бӧр Ваньӧыд эз лэччы, Кытчӧдз Марпа тьӧтлӧн ньӧр Туй шӧрсьыс эз чеччӧд. Куйліс эськӧ дзик лун чӧж, Гортас эз жӧ лок и. Вӧлӧм Марпа тьӧтлӧн ӧш Йирсьӧ ордым бокас.
