ЫДЖЫД ПАЧ

	Миян гортын куим пач
	Ломтысьӧны труч да трач.
	Некодӧс он шензьӧд лыднас:
	Ӧти шоныд сетӧ рытнас,
	Мӧдыс ӧзйӧ лун шӧр кадӧ,
	Кор ми, чой-вок, школа-садын.
Но, а коймӧд дзик быд асыв
Ваймӧ стӧча квайтӧд часын.
Буретш миян мунігкежлӧ
Пӧчным пушыд няньшом пешлӧ.
Пирӧг-шаньга усяс пачысь —
Вомад вӧзйысьӧ нин ачыс.
	Чӧскыд пӧжас аскӧд нуам,
	Ыджыд пачлы аттьӧ шуам.
	Мися, сыысь бурыс абу,
	Нӧшта вӧдитӧ кор бабӧ.