БОБӦ

— Бобӧ, бобӧ, кытчӧ ветлін?
— Чожӧ гуӧ ветлі.
— Мый нӧ вайин?
— Выя нянь вайи.
— Кытчӧ нӧ пуктін?
— Шегъяс помӧ пукті
— Ме тай видлі — абу.
— Сьӧд пон сёйӧма.
— Кӧн нӧ сьӧд понйыс?
— Потшӧс костӧ сибдӧма.
— Кӧн нӧ потшӧсыс?
— Биӧн сотчӧма.
— Кӧн нӧ биыс?
— Ваӧн кусӧма.
— Кӧн нӧ ваыс?
— Ӧшкамӧшка юӧма.
— Кӧн нӧ ӧшкамӧшкаыс?
— Ыбӧ кайӧма.
— Кӧн нӧ ыбыс?
— Шыр пырӧдӧма.
— Кӧн нӧ шырыс?
— Налькйӧ усьӧма.
— Кӧн нӧ налькйыс?
— Чер кералӧма.
— Кӧн нӧ черыс?
— Зуд нальӧма.
— Кӧн нӧ зудйыс?
— Петшӧр пытшкӧ усьӧма.
— Кӧн нӧ петшӧрыс?
— Дас кык вӧла-чаня
— Турбыль-тарбыль
— Буш-баш вӧчӧмаӧсь.
— Ӧти чибӧ идзас кока,
— Мӧд чибӧ турун кока,
— Коймӧд чибӧ кӧрт кока,
— Нёльӧд чибӧ пу кока,
— Витӧд чибӧ сёй кока,
— Квайтӧд чибӧ клянича кока,
— Сизимӧд чибӧ хрусталь кока,
— Кӧкъямысӧд чибӧ ыргӧн кока,
— Ӧкмысӧд чибӧ тывкӧрт кока,
— Дасӧд чибӧ эзысь кока,
— Дас ӧтикӧд чибӧ зарни кока,
— Дас кыкӧд чибӧ жемчуг кока,
— Дас коймӧд…
— Сымда и вӧлі.