БОБӦ

— Бобӧ, бобӧ, кытчӧ ветлін?
— Чожӧ гуӧ ветлі.
— Мыйла жӧ ветлін?
— Выя няньла ветлі.
— Кытчӧ нӧ пуктін?
— Шегаспомӧ пукті.
— Абу тай вӧлӧма?
— Сьӧд пон пышйӧдӧма.
— Кӧні нӧ сьӧд понйыс?
— Сера пон вӧтӧдӧма.
— Кӧні нӧ сера понйыс?
— Потшӧс костӧ сибдӧма.
— Кӧні нӧ потшӧсыс?
— Би сотӧма,
— Кӧні нӧ биыс?
— Ва кусӧдӧма.
— Кӧні нӧ ваыс?
— Ӧш волӧма, гуньгӧма.
— Кӧні нӧ ӧшкыс?
— Ыбӧ кайӧма.
— Кӧні нӧ ыбыс?
— Шыр кырӧдӧма.
— Кӧні нӧ шырыс?
— Налькйӧ усьӧма.
— Кӧні нӧ налькйыс?
— Чер кералӧма.
— Кӧні нӧ черыс?
— Зудйӧн лямӧма.
— Кӧні нӧ зудыс?
— Петшӧр пытшкӧ усьӧма.
— Сё вӧла-чаня сэтчӧ воӧмаӧсь
— Да ставсӧ пусь-пась вӧчӧмаӧсь.