ВЕНЬ

— Веньӧ, веньӧ, веньгы жӧ, веньгы,
Сьӧд сикӧтшыд сьыліад, калаушыд юрад
Вень сійӧ оз веньгы, оз веньгы.
— Гезйӧ, гезйӧ, веньӧс джагӧд!
Гез сійӧс оз джагӧд, оз джагӧд.
— Шырӧй, шырӧй гезсӧ керав.
Шыр сійӧс оз керав, оз керав.
— Каньӧй, каньӧй, шырӧс кут!
Кань сійӧс оз кут, оз кут.
— Понйӧ, понйӧ, каньӧс пур!
Пон сійӧс оз пур, оз пур!
— Тшынӧй, тшынӧй, понйӧс пӧдты!
Тшын сійӧс оз пӧдты, оз пӧдты.
— Биӧй, биӧй, тшынӧс сот!
Би сійӧс оз сот, оз сот.
— Ваӧй, ваӧй, биӧс кусӧд!
Ва сійӧс оз кусӧд, оз кусӧд.
— Ошкӧй, ошкӧй, ваӧс ю!
Ош сійӧс оз ю, оз ю.
— Черӧй, черӧй, ӧшкӧс керав!
Чер сійӧс оз керав, оз керав.
— Зудйӧй, зудйӧй, черӧс лям,
Зудйӧй, зудйӧй черӧс лям!
Зуд вувзьысяс чер вылӧ,
Чер вувзьысяс ӧш вылӧ,
Ӧш вувзьысяс ва вылӧ,
Ва вувзьысяс би вылӧ,
Би вувзьысяс тшын вылӧ,
Тшын вувзьысяс пон вылӧ,
Пон вувзьысяс кань вылӧ,
Кань вувзьысяс шыр вылӧ,
Шыр вувзьысяс гез вылӧ,
Гез вувзьысяс вень вылӧ —
Веньӧс и джагӧдасны.