ГӦСЬТ

Гӧбӧчысь быйкнитіс бубыля
Пӧжасян рач пасьта бугыля,
Кӧза кодь бӧжа и сюра,
Гӧныс дзик коксяньыс юрӧдз.

— Код нӧ тэ? — букыша кайтіс,
Менӧ, дерт, повзьӧдны чайтіс.

Сэки воча и шуи:
— Гажтӧм кӧ ас гӧбӧч гуад,
Ёртӧс кӧ корсьны тэ кайин,
Ворсыштам лок ӧти сайын.

— Меысь ӧд чачаыс ставыс
Повзясны-пышъясны явӧ.

— Некод оз некытчӧ пышйы,
Сета ме тэн сыръя чышъян,
Пасьтӧда выль дӧрӧм-гачӧн,
Асьтӧ он тӧд весиг ачыд.