ПОЛЫСЬ МУСЬКА

Муська-пуська, вильыш кань
Шыр оз кутав. Абу шань.
Лунтыр паччӧр вылын кургӧ,
Весиг веськодь черинянь.

Нӧк ни «Китекет» оз сёй,
Но, а кодыр пуксяс вой,
Мӧдас ыджыдавны гортын.
Ме пӧ ӧтнам и герой.

Куми-ками, гиль да голь,
Нинӧм видлытӧг оз коль,
Котралӧ да, чеччалӧ да,
Быттьӧ пеляс пырис моль.

Джоджӧ дозмук пусь да пась,
Лестукъясӧн чездӧ пась.
Войся нокыс оз и помась,
Оз кӧ дас шӧрт тупыль разь.

— Муська-пуська, тӧлктӧм лов,
Мыйла лӧнясӧ он ов?
— Ме, дерт, инӧн-ладӧн олі,
Эг кӧ шырысь ёна пов.