ЛЯЛЯЛЫ ЛЬӦЛЬӦ

Ляля корӧ льӧльӧ,
Льӧльӧ мыччӧ пӧльӧ.
Мый кӧть абу мӧскысь,
Йӧлыс, ок, и чӧскыд!
Йӧлыс, ок, и сыла,
Тяпкышт, тяпкышт, нылӧй.
Льӧльӧсӧ ӧд тайӧс
Марта кӧзук вайис.
Лунтыр йирсис йӧрын,
Катшасинъяс шӧрын.
Вижъюр, куз да лапкор
Пӧттӧдз, кӧнкӧ, тшапкис.
Со и сылӧн льӧльӧ
Мӧскысь нӧгыль бӧльӧ.
Но, а Зорька сюрук
Йирсьӧ кӧні сюрӧ.
Медбур рӧмидз пыдди
Зорька йӧн и лыддьӧ.
Лысьтанторйыс дзик ӧд
Ӧвтӧ борщевикӧн.
А тэ видлы тайӧс,
Марта кодӧс вайис.
Юис ляля льӧльӧ,
— Аттьӧ, — шуис пӧльӧ.
Дзоридз кӧра йӧлӧн
Весиг бурмис сьӧлӧм.