ГУСЯ ТУСЬ

Сьӧлаоз, сьӧлаоз,
Коркӧ сюрлас али оз?
Сійӧ, висьталӧны, чӧскыд,
Сылӧ вомад кампет моз.

Сьӧлаоз, сьӧлаоз,
Кая керӧс, вуджа пос,
Корся кос и васӧдінысь,
Сюрлас эськӧ али оз?

Сьӧлаоз, сьӧлаоз,
Со и аддзи вотӧс поз,
Пӧттӧдз сёйи тӧдтӧм тусьсӧ,
Сӧмын муртса тай эг вос.

Сьӧлаоз, сьӧлаоз,
Видлі лӧз и гӧрдов роз,
Кодкӧ шома, кодкӧ курыд —
Бара сорси вотчигмоз.

Сьӧлаоз, сьӧлаоз,
Кушӧн коли менам доз.
Дзик на некор видланторйыс
Коркӧ волас вомӧ — оз?