ГОРТСА СЫНӦД

Ме татчӧ гӧсть моз тотшкӧдчӧмӧн пыри,
И бара гортса сынӧд морӧс тырӧн,
И бара мамлӧн шань да небыд сывъяс,
Да дыр-ӧ кежлӧ вои — первой кывъяс.
Да самӧвар, да пывсян, кыдзи важӧн,
Да рытбыд сёрни — зэв ӧд быри гажӧй.
О, чужан поз, тан быдті ассьым бордъяс,
Тан меным медся-медся матыс мортъяс.
И овлӧ, норлун некыдзи он ямӧд,
Кор кырта дорӧдз колльӧдӧ тась мамыд.
Да, артмис сідз, мый ылын лоӧ овны,
Но некор, некор мен оз дугды ковны
Ас пелысь пу, ён керка пожӧм стына
Да пӧттӧдз лолавны на
				чужан гортса сынӧд.