ВЫЛЫС ЭЖВАСА СЬЫЛАНКЫВЪЯС

Джуджыд парма да дзор Тиман,
Сусъяс, пожӧмъяс, козъяс, ньывъяс
Шаня видзӧны морткӧд тан
Вылыс Эжваса сьыланкывъяс.

Кутшӧм вын наын, кутшӧм мич,
Ставыс сӧстӧм да сибыд кывъя.
Сьылӧ сикт, сьылӧ вӧр-ва и видз
Вылыс Эжваса сьыланкывъяс.

Вежсис му, лӧньӧм енэжыс лӧз,
Ставыс тэнад, но тӧрас мӧй сывъяд?
Буретш та йылысь сьылӧны йӧз
Вылыс Эжваса сьыланкывъяс.

Лоам шудаӧсь, шог оз лок,
Ӧтув олам кор зонъяс да нывъяс,
Юргӧй быдлаын пыр уна ног,
Вылыс Эжваса сьыланкывъяс.