МӦШЪЯС

Лунтыр нин Света няклялӧ жвачка,
Гадь моза пӧльтас, поткӧдас-шлачкас.
Мый эськӧ бурыс тшаксьӧм нин сирас?
Да ӧд и жвачкасӧ курччалӧ Ира.

Рӧмидзтӧ Надя, тяпкӧдчӧ Рита,
А со Полина ньӧбӧма витӧс.
Шлачкӧны, шлачкӧны, абу и помыс,
Весигтӧ ставныслӧн быгзьӧма вомыс.

Важӧн нин классыс школаысь муніс,
Нывъяслӧн гортыс быттьӧкӧ вуніс.
— Мыйла нӧ, Света, гортад он мӧдӧй?
Тайӧ резинасьыс энӧ мӧй пӧтӧй?
— Шені и миянтӧг шняч-кы-шыш уна,
Йӧртӧдӧ ашки... тьпу, гортӧ му-му-у-нам.