ӦТДОРТЧИС

Анялӧн авъясьыс авъяджык акань,
Витялӧн винёвсьыс винёвджык вӧв,
Борялӧн бурджыксьыс бурджык бумага —
Самолёт сыысь — семьянад сӧв.

Колялӧн киас крепыдик клюшка,
Мӧдӧдны мӧдас мичаник мач.
Петялӧн Пашкакӧд повзьӧдчысь пушка,
Шарикӧн школӧдчӧ: шурӧбтас — швач!

Ӧтдортчис ӧнтайсянь ӧтнас Ӧндрейка,
Зоякӧд зыктор зэвтӧма зон.
Лешсьысьлы ликмӧма лёкиник лейка:
Дурысь дурк другыдлы — донтӧмджык дон.