МУДЕР

Миян ичӧт чоюк Яна
Дыша олӧмӧн оз янав.
Ватӧ вайӧ, пыртӧ пестӧ —
Менӧ урок вӧчны мездӧ.

Кизьӧс, орӧда кӧ, вурӧ,
Жырйӧс, няйтчӧда кӧ, чышкӧ.
Ставсӧ вӧчӧ сэтшӧм бура,
Сӧмын пошкӧ, сӧмын ышкӧ.

Ме жӧ — гуляйта да сёя,
Некор кокньӧдыштны чойӧс.
Вочавидза ӧти ног:
— Шойчча, вӧчны мед урок.

Тэ кор коймӧд классӧ воан,
Ме моз мырсьыны жӧ лоӧ.
Тэнӧ ачым сэки доръя,
Отсала жӧ дзик быдторйӧн,
Пестӧ пырта, ватӧ вая...
Сьӧкыд ӧмӧй уджыс тайӧ?