БАРАБАН

Миян Толикным
Аслас кроликлы
Позъяс пыртӧма барабан.
Кролик пӧрӧдіс,
Сэсся вӧрӧдіс
Тӧдтӧмторйыслысь гуг и бан.

Абу тасьті, мед сёян дасьтыны,
Абу пипуысь чурка пом.
Быттьӧ Бускоӧс ачыс казьтывлӧ,
Сӧмын абу тай увтчысь вом.

Скӧрмис кроликыд миян Толиклӧн,
Кокнас таркнитіс: куйлӧ тан!
Кыдз тай лапанас мышкас гольӧбтіс —
Пыр и ловзис сэк барабан.
Ӧні Толиклӧн муса кроликлы
Абу гажтӧм, и сійӧ рам.
Улич вылӧдзыс ворсӧм кылӧ дзик:
Там-тарам, там-тарам!