ВӦРСА КАЧАЙ

Ӧтарӧ — жбыр, мӧдарӧ — жбыр,
Качайӧн веськӧдлӧ ёсь ныра шыр.
Ӧтарӧ — шур, мӧдарӧ — шар,
Качайын пукалӧ гӧрд синма тар.

Кӧиныс дорӧ тӧрӧма низь,
На костын гӧрдов дӧрӧма сизь.
Тані жӧ кӧчиль — кузь пельыс чош,
Сы дінын дітшвидзӧ ма сёйысь ош.

Оз на тай сувтлы полӧмысь щӧть,
Чераньлӧн везйысь качайыс кӧть.
Сы вылӧ весиг вӧзйысис мой,
Ачыс кӧть абу ёнасӧ збой.

Да и со ручыс — тіралысь бӧж,
Вашъялӧ сӧмын лэбалігчӧж.
Ӧтарӧ — жбыр, мӧдарӧ — жбыр,
Ставнысӧ талун качайтӧ шыр.