МОЙЛӦН КЕРКА

Паськыд бӧжа смоль сьӧд мой
Мырсьӧ-ноксьӧ лун и вой.
Аслыс керка тшупӧ,
Видзӧднысӧ любӧ.

Стӧча чинтӧма быд кер,
Топыд стен и пельӧс.
Веськодь ӧні зэр кӧть шер,
Кортӧм гӧсьт оз дэльӧд.

Но а коді бурӧн — пыр,
Шонтысьыштны кежав.
Эм и сёян, шойччан жыр,
Весиг мыссян вежӧс.

Пуктас мойыд самӧвар,
Пызан лӧсьӧдас шур-шар:
— Лок вай, лок вай татчӧ.
Сӧмын ваысь кӧ тэ няр,
Ӧдзӧссӧ он аддзы.