МӦВП

Талун асыв бара на ме радейтча,
Муслун биӧ юр выв тырӧн суна.
Абутӧмсӧ эмӧн вӧчны надейтча,
Яндзим тӧдтӧг дзик став грек пыр муна.
	Меным веськодь, мый кӧть сэсся шуасны,
	Гажтӧм овны черань везъя олӧмӧн.
	Бордъя вӧвъяс лэбӧдасны-нуасны
	Вӧля дорӧ — сӧмын сійӧ колӧ мен.
Сьӧлӧмӧй оз ӧшйы инас, маитчӧ,
Унатор мен вӧзйӧ пансьысь луныс.
Талун асыв бара на ме радейтча,
Яндзим тӧдтӧг дзик став грек пыр муна.