ӦТИ ВОЙ

	А туйын медбур коллявны кузь войястӧ,
	Пыр кытчӧкӧ да мунысь-нырччысь поездын.
	Тэ рытнас олін чужан грездса сынӧдӧн,
	А садьмин — тэнсьыд ӧшинь кар нин тшынӧдӧ.
Тэ вӧлін тӧдса быдӧнлы дзик тӧрыт на,
А талун лоӧ асьтӧ сӧмын кӧритны,
Мый воин сэтчӧ, кӧні «йӧзӧн» шуӧны,
Да кӧні тэ кодьыс кыдз кодзувкотъяс жуӧны.
	И весьшӧрӧ тан корсьны вокъяс-чойястӧ,
	И некоді нянь-солӧн тан оз чолӧмав,
	И ӧти войсьыс, кодӧс вуджан поездӧн,
	Тэ, ичӧт мортӧй, тшукан ыджыд олӧмӧ.