МАМ

Медым лоны чужан мулы пиӧн,
Этша на, кор сьыланкывъяс сиан.
Да и лӧж, кор долян: «Дона, муса» —
Он ӧд сійӧс базар вылын вузав.
	Кывтӧ песны ӧні быдӧн сяммӧ,
	Сӧмын таысь кокниджык мӧй мамлы?
	Долыд ӧмӧй, кор юр воштӧмӧн сьылам,
	Но а шогсӧ-дойсӧ огӧ кылӧй?
Ичӧт дырйи бӧрдлім мамлӧн сывйын —
Бурӧдны пыр кужліс сьыланкывйӧн.
Ӧні асьным — тӧдӧмӧн и тӧдтӧг —
Мамлысь бӧрдӧм сьыланкывйӧн пӧдтам.