СЬЫЛАН КАД

Сэтӧр синъяс, оз тусь кӧра вом дор,
Коркӧ таысь пӧтла али ог?
Ме ог эскы, шогсян кад пӧ томдыр,
Сэк, кор пышъяс сійӧ, гашкӧ-й шог.

Но а ӧні, морӧсын кор чукйӧн
Пуӧ муслун, сӧнын ворсӧ вир,
Верма вуджны медся вӧра чуркйӧд,
И оз повзьӧд медся джуджыд йир.

Кодыр сьывсьӧ — шогсьыны мӧй понда,
Сьылан кадыс оз ӧд сэсся лок.
Сэтӧр синъяс, оз тусь кӧра вом дор —
Коркӧ таысь пӧтла али ог?