ТӦДСА ОРДЫМ

Бара восьлалам Зӧридз ю бокӧд,
Руа сынӧдыс ыркӧдӧ лов.
Быттьӧ вунӧма вӧралан могыд —
Ӧні прӧмысыд весиг оз ков.

Уна кӧдж сайӧ вӧр керка коли,
Сӧмын таысь мӧй ёртъяслы шог,
Чайнад юкталас пармаса ёльыс,
Узьны лэдзас быд пу — шойччы лок.

Водзӧ писькӧдчам, мунам и мунам,
Орччӧн вегыльтчӧ юыслӧн кыр.
Кӧсъям казьтыштны ставсӧ, мый вуні,
Мыйсӧ сюрлі тан вуджӧдны-нуны,
Мыйыс вӧрзьӧдӧ сьӧлӧмтӧ пыр.