ВЕНЗЬӦМ

Йинёнь нырсӧ нюжӧдӧма Март,
Дӧзмӧма, мый дзескӧдӧ Апрельыс: —
— Ассьым пайӧс турӧб эг на гарт,
А тэ босьт да шондіӧн нин дэльӧд.

А тэ босьт да жоньясӧн нин сьыв,
Уркайпи на эз ӧд петав горссьыс,
Бӧбйӧдла кӧ вежон ывла выв,
Быттьӧ тайӧн ыджыдтор зэв ворссян!

— Тэ кӧть, Мартӧй, тулысыслӧн юр, —
Збой Апрель оз сетчы, дольӧ ассьыс, —
Эн вай ышнясь, Войланьынджык дур:
Тані йӧзыс пӧрччисны нин пасьяс.