ПЫШКАЙ

Кильчӧ пос вылысь аддзи сійӧс —
Кынмӧм тупыльтор, эз нин лег.
Кодыр меліа босьті киӧ,
Сӧмын син пӧвсӧ восьтліс сэк.

Шонті асывбыд морӧс бердын,
И ӧд ловзис — он эскы пыр,
Сэсся нянь чирйӧн, шыдӧсӧн верді,
Гортын жбыръяліс бура дыр.

И кӧть ывлаын ышмис турӧб,
Сэтчӧ видзӧдіс, мӧдлаӧ — эз,
Ӧшинь жугӧдны ичӧт юрӧн
Кӧсйис сійӧ да шедӧдны мезд.

...Лӧнис турӧб да тӧв кор эз пӧлясь
Восьті ӧшиньӧс: лэбзьы, ог кут.
Ме ӧд тӧда жӧ: вӧльнӧйлы вӧля,
Абу сёян да шоныдын шуд.