МАМУК

«Абу сэтшӧм мортыс
Кутшӧм рӧднӧй мам»

Пызан сайын пукалам да вашкам,
И ог мудзлӧй сёрнитнысӧ, гашкӧ,
Мамным вошлас, сэсся лоас орччӧн,
Дзоргӧ, медым кӧвдумыс оз сотчы.
Видзӧда, а сьӧлӧм весиг доймӧ:
Мортыд тшӧтш тай ставыс моза воймӧ.
Гырысьӧсь нин ми, кӧть бӧрд, кӧть серав,
Мамным медся ичӧт, мый нин керан.
Сӧмын сійӧ ставнымысь на мывкыд,
Бӧрд кӧть серав, ловнас дзик том ныв кодь.
Пӧся эскиг, надейтчӧмӧн локтам
Сы дорӧ ми радлуннам и шогнам.
Збыль тай вӧлӧм, абу сэтшӧм мортыс,
Кыдзи мамук — медся дона ёртыс.