ЁРТӦЙ

Эн и тӧдлы, верстьӧ мортӧн лоин,
Нимыд дорӧ содіс гора вич.
Томмӧдчан на эськӧ гоз-мӧд воӧн,
Сӧмын удтӧ ваймысь-кисьмысь мич.
Юрси дзор нин, чукырыд нин уна,
Восьлас абу важ моз тэрыб-збой,
Ассьыд кывтӧ медым стӧча шуны,
Мӧвпалан тэ водзвыв лун и вой.
Вуджин бисӧ, васӧ, дзик быд морсӧ,
Сӧвмин, ёнмин, эз тай рӧкыс чег...
Сӧмын, менам пикӧд кодыр ворсан,
Видзӧда да — челядь на тэ век.