КЕРЪЯС

Кытчӧ нӧ керъясӧй, лунысь-лун ю кузя кывтанныд,
Визувлы сетчӧмныд, панъясьны зілянныд пыр,
Мотора пыжъяс да катеръяс ветлӧны вывтіныд,
Сӧмын тай водзланьӧ нырччӧмныд тіян оз быр.

Вабергач бергӧдлӧ, гыясыс венсӧ тшӧтш панӧны,
Крукыштны видзӧдӧ юшӧрса ичӧтик ді,
Тӧрыт кӧ кӧдж сайын, ӧні со шуньганныд тані нин,
Водзӧ и водзӧ век аснырӧн кывтанныд ті.

Сідзи жӧ ме: кӧть и унатор конъялӧ олӧмас,
Тшӧкыдӧсь чукыльяс, мунӧмӧс падмӧдлӧ йир.
Туйыс кӧть повзьӧдлӧ, некор ог петкӧдлы полӧмӧс,
Олӧмлӧн ю кузя водзланьӧ зіля, ог тір.