СЬӦЛӦМШӦР

Лайкыда-лайкыда визулыс бергӧдлӧ-нуӧ,
Онялысь сынӧдын ӧшалӧ чериа кӧр.
Эжваӧй-мамӧй, тэ кельыдлӧз синъяса юӧй,
Пармалӧн шӧр, менам лышкыд да шань сьӧлӧмшӧр.

Шлывга и шлывга, а морӧсын долыдлун туӧ:
Ыліті ветлі, да мичлуныд кыскис тай бӧр.
Эжваӧй-мамӧй, тэ кельыдлӧз синъяса юӧй,
Пармалӧн шӧр, менам лышкыд да шань сьӧлӧмшӧр.

Шонді гӧрд пыжнас со менсьым нин веткиӧс суӧ,
Нюмъялӧ дзирдсьыс и ласта, и кырйывса вӧр.
Эжваӧй-мамӧй, тэ кельыдлӧз синъяса юӧй,
Пармалӧн шӧр, менам лышкыд да шань сьӧлӧмшӧр.

Дугдывтӧг шензя: ок, ыджыд жӧ ас чужан муӧй,
Синмыд оз судз да и шевкнитӧм сывъяд оз тӧр.
Эжваӧй-мамӧй, тэ кельыдлӧз синъяса юӧй,
Радейтысь пи моз ме талун со бара на шуа:
Пармалӧн шӧр, менам лышкыд да шань сьӧлӧмшӧр.