ГУДӦКЪЯС

Тырмӧ, майбыр, гудӧк кизьыс,
Тырмӧ ворсысь мен да тэд.
Сӧмын, аслым кодӧс видзи,
Сійӧс некодлы ог сет.

Ой, гудӧкъяс, ой, гудӧкъяс,
Рыт помӧ шудла петысьяс.
Ой, ворсысьяс, ой, ворсысьяс,
Кудриа юрнас легысьяс.

Ачым тӧда, кытысь сюрис
Ловъя юрӧн мынтӧмтор.
Нинӧм абу эськӧ бурыс —
Ылӧдіс тай гудӧк гор.

Кыдзи ворсас, сідзи-й сьыла,
Гашкӧ, ог на воштӧй лад.
Витсё горӧн гудӧк кылӧ,
Сё майбырӧй, тувсов кад!