ГАЖ ДА МИЧ

Сьӧлӧм гажӧдчыны корӧ,
Паччӧр сэрӧгын оз видз.
Мед и ылькйӧ тувсов шорӧн
Коми мулӧн гаж да мич.

Гажыд аттӧ ёна колӧ,
Сытӧг вомӧ нянь оз пыр.
Коді олӧ кыпыд лолӧн,
Сійӧ олӧ медся дыр.

Кӧні эмӧсь сьыланкывъяс,
Сэтчӧ озджык волы шог.
Ноко, зонъяс! Ноко, нывъяс!
Гыбалыштам миян ног.

Сьӧлӧм гажӧдчыны корӧ,
Паччӧр сэрӧгын оз видз.
Мед и ылькйӧ тувсов шорӧн
Коми мулӧн гаж да мич.