* * *

Майбырӧй дай олӧмӧй,
Шонді улас лолӧмӧй,
Йӧктӧмӧй да сьылӧмӧй,
Чужан муын кылӧмӧй!

Майбырӧй дай олӧмӧй,
Батьлы-мамлы колӧмӧй,
Нопйӧ пажын лӧдӧмӧй,
Кильчӧ поскӧс тӧдӧмӧй!

Майбырӧй дай олӧмӧй,
Вӧрӧ-ваӧ волӧмӧй,
Шорысь-ёльысь юӧмӧй,
Ассьым ордым нуӧмӧй!

Майбырӧй дай олӧмӧй,
Муса друглы чолӧмӧй,
Райӧ поскӧд кайӧмӧй,
Шудсӧ йӧзлы вайӧмӧй!

Майбырӧй дай олӧмӧй,
Шонді улас лолӧмӧй.
Кыакӧд на кыпала,
Бура дыр на гыбала!