ВЫЛЬ ПЬЕСА

14-ӧд да 15-ӧд лунъясӧ Октябрын Сыкомтевчук пуктіс выль пьеса «Тувсов войын» (перевод «Майской ночи» Н. В. Гоголя). Пьесаыс зэв бура петкӧдлӧ Украинаса воддза олӧм. Гижӧма лӧсьыд кывйӧн. Ворсісны шаня; декорациясӧ вӧлі лӧсьӧдӧмаӧсь мичаӧс. Кытсюрӧ вывтіалӧмъясыс эськӧ вӧліны жӧ: кор пондісны свестяӧс амбарысь лэдзны, муртса эз пӧрӧдны амбарсӧ.

Татшӧм пьесатӧ колӧ эськӧ сиктъясын (грездъясын) пуктыны, сӧмын декорация сьӧкыд вӧчны: ворсігӧн колӧ вежны важ киссьӧм помещик керка выль бур керкаӧн, сэсся недыр мысти бӧр лӧсьӧдны важ керка.

Коми пьесаяс вочасӧн век содӧны.